ՌԴ–ն տվյալներ ունի ուկրաինական զինուժի համակենտրոնացման ճամբարների մասին. ԱԳՆ

ԵՐԵՎԱՆ, 20 սեպտեմբերի –Sputnik. Մոսկվան տվյալներ ունի, որ ուկրաինական զինուժը համակենտրոնացման ճամբարներ է ստեղծել սահմանամերձ գոտում։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

Նրա խոսքով` բազմում վկայություններ կան մասին, որ ուկրաինացի զինծառայողները ինքնաձիգների փողերի ներքո համակենտրոնացման ճամբարներում են տեղավորում են այն բնակիչներին, որոնք տարբեր պատճառներով չեն հասցրել լքել վտանգավոր շրջանները։

Ավելի վաղ ՌԴ ԱԳՆ հատուկ հանձնարարությունների գծով դեսպան Ռոդիոն Միրոշնիկը հայտնել էր, որ Կուրսկի մարզում ուկրաինացի զինվորականների կողմից վերահսկվող տարածքներում համակենտրոնացման ճամբարների պես վայրեր են ստեղծվել, և այն խաղաղ բնակիչներին, որոնք չեն ցանկացել կամ հնարավորություն չեն ունեցել լքել թշնամու զավթած տարածքը, բռնի տեղափոխում են այդ վայրեր։ Նման եզրակացություն է արվել վկաների բազմաթիվ տվյալների հիմանվրա, որոնք հավաքել է Կուրսկում ռուսական Կարմիր խաչի շտաբը:

Հիշեցնենք` ՌԴ ԶՈւ գլխավոր շտաբի պետ Վալերի Գերասիմովը հայտնել էր, որ օգոստոսի 6-ին՝ առավոտյան ժամը 5: 30-ին, Ուկրաինայի զինված ուժերի շուրջ հազար հոգանոց խմբավորումն անցել է հարձակման` նպատակ ունենալով տարածքներ գրավել Կուրսկի մարզում։ Ուկրաինական զինուժի առաջխաղացումը դեպի ՌԴ տարածքի խորքը կասեցվել է։ ՌԴ ԶՈւ գլխավոր շտաբի պետը նշել էր, որ Կուրսկի մարզում գործողությունը կավարտվի, երբ հակառակորդը կջախջախվի, իսկ ռուսական զորքը դուրս կգա ՌԴ պետական սահման։

Ռուսաստանի նախագահ Վլադիմիր Պուտինը, մեկնաբանելով Կուրսկի մարզում տիրող իրավիճակը, հայտարարել է, որ Կիևի ռեժիմը հերթական լայնածավալ սադրանքն է ձեռնարկել, անկանոն կրակոցներ է արձակում, այդ թվում՝ քաղաքացիական թիրախների ուղղությամբ: ՌԴ նախագահը վստահեցրել է, որ հակառակորդն արժանի պատասխան կստանա, Ռուսաստանի զինված ուժերի առջև դրված բոլոր նպատակներին կհասնեն:

Կուրսկի, ինչպես նաև Բելգորոդի և Բրյանսկի մարզերում քաղաքացիների անվտանգությունն ապահովելու համար հակաահաբեկչական գործողության ռեժիմ է սահմանվել։