ԵՐԵՎԱՆ, 31 օգոստոսի — Sputnik. RT հեռուստաալիքի և «Ռոսիա սեգոդնյա» մեդիախմբի գլխավոր խմբագիր Մարգարիտա Սիմոնյանը հայտարարել է, որ սահմանամերձ բնակավայրերի բնակիչներին կօգնի վերաբնակեցման հարցում: Այս մասին նա գրել է իր Telegram ալիքում։
«Իսկ ես հիշեցնում եմ սահմանամերձի բոլոր բնակիչներին, ովքեր ցանկանում են որոշ ժամանակով տեղափոխվել, մինչև մենք կզսպենք հրեշներին, որ ես և Տիգրանը վճարում ենք տեղափոխման և կեցության համար», - նշել է Սիմոնյանը։
Հարյուրավոր կամավորներ այժմ օգնում են Կուրսկի սահմանամերձ շրջանների բնակիչներին: Երկրի 60 սուբյեկտներ առաջին անհրաժեշտության պարագաներ են ուղարկել, ավելի քան 20-ը ժամանակավոր տեղավորման կետերում ընդունել են վտանգի տակ հայտնված շրջանների բնակիչներին։
Օրվա ընթացքում տարածաշրջան է հասցվել 60 տոննա մարդասիրական օգնություն։ Ընդհանուր առմամբ, ամբողջ ընթացքում առաքվել է 3,5 հազար տոննա մարդասիրական բեռ։
Հիշեցնենք` օգոստոսի 6-ին՝ առավոտյան ժամը 5: 30-ին, Ուկրաինայի զինված ուժերի շուրջ հազար հոգանոց խմբավորումն անցել է հարձակման` նպատակ ունենալով տարածքներ գրավել Կուրսկի մարզում։ Ուկրաինական զինուժի առաջխաղացումը դեպի ՌԴ տարածքի խորքը կասեցվել է։ ՌԴ ԶՈւ գլխավոր շտաբի պետը նշել էր, որ Կուրսկի մարզում գործողությունը կավարտվի, երբ հակառակորդը կկջախջախվի, իսկ ռուսական զորքը դուրս կգա ՌԴ պետական սահման։
Ռուսաստանի նախագահ Վլադիմիր Պուտինը, մեկնաբանելով Կուրսկի մարզում տիրող իրավիճակը, հայտարարել է, որ Կիևի ռեժիմը հերթական լայնածավալ սադրանքն է ձեռնարկել, անկանոն կրակոցներ է արձակում, այդ թվում՝ քաղաքացիական թիրախների ուղղությամբ: ՌԴ նախագահը վստահեցրել է, որ հակառակորդն արժանի պատասխան կստանա, Ռուսաստանի զինված ուժերի առջև դրված բոլոր նպատակներին կհասնեն:
Կուրսկի, ինչպես նաև Բելգորոդի և Բրյանսկի մարզերում քաղաքացիների անվտանգությունն ապահովելու համար հակաահաբեկչական գործողության ռեժիմ է սահմանվել։