ԵՐԵՎԱՆ, 19 օգոստոսի - Sputnik. Ուկրաինայի իշխանությունները պետք է վերանայեն Վրաստանի նկատմամբ իրենց ոչ բարեկամական քայլերը, որոնք արտահայտվել են 2022 թվականին Թբիլիսիից իրենցդեսպանին հետ կանչելիս։ Այս մասին հայտարարել է Վրաստանի վարչապետ Իրակլի Կոբախիձեն, փոխանցում է ՌԻԱ Նովոստին։
Վրաստանում Ուկրաինայի գործերի ժամանակավոր հավատարմատար Միխայիլ Խարիշինն ավելի վաղ վրացական «Ինտերպրեսնյուս» գործակալությանը տված հարցազրույցում պատմել էր, որ Կիևում պատրաստ էին ընդունել Վրաստանի նոր դեսպանին, սակայն դրան խանգարել է վրացական իշխանությունների «անհասկանալի հռետորաբանությունը»: Վլադիմիր Զելենսկին 2022 թվականի մարտին Թբիլիսիից հետ է կանչել Ուկրաինայի դեսպանին այն բանից հետո, երբ Վրաստանը հրաժարվել է օգնել Ուկրաինային։
2023 թվականի հուլիսին Զելենսկին հայտարարել էր, որ ԱԳՆ-ին հանձնարարել է գերատեսչությունհրավիրել Վրաստանի դեսպանին և վճռական բողոք հայտնել նախկին նախագահ Միխեիլ Սաակաշվիլիի հետ կապված իրավիճակի պատճառով՝ առաջարկելով վրացի դիվանագետին 48 ժամվա ընթացքում լքել Ուկրաինան Թբիլիսիի հետ խորհրդակցությունների համար։
«Եթե ինչ-որ մեկը պետք է վերանայի որոշումները՝դա ուկրաինական ղեկավարությունն է, որը հետ է կանչել դեսպանին, ինչը չափազանց ոչ բարեկամական որոշում էր։ Ինչ վերաբերում է Ուկրաինայի ղեկավարության նկատմամբ մեր մոտեցմանը, ապա մենք կմնանք միակողմանի բարեկամության ռեժիմում, քանի որ դա պետք է ուկրաինացի ժողովրդին», - հայտարարել է վարչապետը լրագրողներին։
Կոբախիձեն հայտարարել է, որ ուկրաինական իշխանությունները ժամանակին Թբիլիսիից հետ են կանչել դեսպանին այն պատճառով, որ վրացական կողմը պատժամիջոցներ չի սահմանել Ռուսաստանի դեմ, ինչպես նաև, որ պետությունը վրացի զինվորականներով (որոշել էր կռվել Ուկրաինայի զինված ուժերի կողմից) ինքնաթիռին պաշտոնական թույլտվություն չի տվել Ուկրաինա թռչելու: