ԵՐԵՎԱՆ, 1 օգոստոսի – Sputnik․ ՀՀ պաշտպանության նախարարի 1-ին տեղակալ, ԶՈւ ԳՇ պետ, գեներալ-լեյտենանտ Էդվարդ Ասրյանի գլխավորած պատվիրակությունը Լոնդոնում մասնակցել է Ցամաքային պատերազմավարման հարցերին նվիրված համաժողովին։ Տեղեկությունը հայտնում է ՀՀ ՊՆ մամուլի ծառայությունը։
Ցամաքային պատերազմավարման հարցերին նվիրված համաժողով
© Photo : press office of MoD of RA
Համաժողովը կազմակերպվել էր Միացյալ Թագավորության Արքայական միավորված ԶՈւ տեսակների ինստիտուտի (RUSI) հովանու ներքո։ Ամենամյա համաժողովի նպատակն է ուսումնասիրել պատերազմավարման ցամաքային տիրույթում առկա սպառնալիքները, դրանց դիմագրավման հնարավոր ուղիները։
Համաժողովի շրջանակում քննարկվում են նաև այդ ուղղությամբ գործընկերային լուծումների հնարավորությունները, անդրադառնում ռազմաքաղաքական ու արդյունաբերական վերջին զարգացումներին։
ՀՀ պաշտպանական գերատեսչությունից տեղեկացնում են, որ համաժողովի շրջանակում Էդվարդ Ասրյանը հանդիպել է բրիտանական բանակի գլխավոր շտաբի պետ, գեներալ Ռոլանդ Ուոքերի հետ։
Ցամաքային պատերազմավարման հարցերին նվիրված համաժողով
© Photo : press office of MoD of RA
Հանդիպման ժամանակ անդրադարձ է արվել երկու պետությունների միջև պաշտպանության ոլորտում առկա համագործակցությանը, քննարկվել են դրա հետագա զարգացման ու ընդլայնման հնարավորությունները։