ԵՐԵՎԱՆ, 31 հուլիսի – Sputnik․ Ամերիկահայ գործարար, «Reddit»-ի հիմնադիր Ալեքսիս Օհանյանը տպավորված է Փարիզի օլիմպիական խաղերում Հայաստանը ներկայացնող բռնցքամարտիկ Դավիթ Չալոյանի մարտով։ Այդ մասին Օլիմպիական ավանում Sputnik Արմենիայի թղթակցի հետ զրույցում խոստովանել է Օհանյանը։ Հայաստանյան թիմին ամերիկահայ գործարարը մաղթել է շարունակել լավ աշխատանքը։ Խոսելով մեր թիմի մասին՝ Օհանյանը նաև ոգևորված հայերենով արտաբերեց «Հայաստան» բառն ու բռունցքը վերև բարձրացրեց՝ ի նշան ուժի ու հաղթանակի։
«Նման փոքր երկրի համար այսպես հանդես գալը երկնքից աստղեր որսալու նման մի բան է, պետք է հպարտ լինենք»,- ասաց Օհանյանը
Օհանյանի ոգևորված խոսքից երևում է, որ նա իսկապես շատ տպավորված է Չալոյանի մարտով ու նրա կիրառած հնարքներով։