Վրաերթ Երևանում. ամուսինները մահացել են, որդին հիվանդանոցում է

ԵՐԵՎԱՆ, 29 հուլիսի – Sputnik. Երևանում բեռնատարը վրաերթի է ենթարկել փողոցը չնախատեսված վայրից անցնող ամուսիններին և նրանց որդուն, ծնողները տեղում մահացել են։ Տեղեկությունը հայտնում է shamshyan.com–ը։

Վրաերթը տեղի է ունեցել ժամը 12։50–ի սահմաններում Աճառյան փողոցում` «Հարսնաքար» ռեստորանային համալիրի մոտ։

Դեպքի վայր մեկնած շտապօգնության բժիշկների հերթապահ խումբն արձանագրել է 2 հետիոտնի մահը, իսկ ամուսինների որդուն տեղում առաջին բուժօգնությունն են ցուցաբերել, ապա տեղափոխել «Սուրբ Գրիգոր Լուսավորիչ» բժշկական կենտրոն։

Դեպքի փաստով քննչական բաժնում նախաձեռնվել է քրեական վարույթ, պարզվում է վարորդի, մահացածների և վիրավորի ինքնությունը։