Նեպալի մայրաքաղաք Կատմանդուի «Տրիբհուվան» միջազգային օդանավակայանում թռիչքի ժամանակ կործանվել է «Saurya Airlines» ավիաընկերության ինքնաթիռը։ Տեղեկությունը հայտնում է «Kathmandu Post»-ը։
«Պոկհարա քաղաք ուղևորվող ինքնաթիռում եղել է 19 մարդ, այդ թվում՝ անձնակազմի անդամները: Ինքնաթիռը վթարի է ենթարկվել տեղական ժամանակով 11:00-ին»,- ասել է օդանավակայանի խոսնակ Պրեմնաթ Թակուրը:
Դեպքի վայրում աշխատանքներ են իրականացնում ոստիկաններն ու հրշեջները։ Ուղևորների և անձնակազմի վիճակի մասին տվյալներ դեռևս չեն հաղորդվում։
«Saurya Airlines»-ը թռիչքներ է իրականացնում Նեպալի 5 ուղղություններով և սպասարկում է «Bombardier CRJ 200» ինքնաթիռներով: