ԵՐԵՎԱՆ, 15 հուլիսի – Sputnik. Ռուսական ՀՕՊ համակարգերը Ղրիմի, Բրյանսկի և Լիպեցկի մարզերի երկնքում 22 ուկրաինական անօդաչու սարք են խոցել: Տեղեկությունը հայտնում է ՌԴ պաշտպանության նախարարությունը։
«Անցած գիշերվա ընթացքում Ռուսաստանի Դաշնության տարածքում ինքնաթիռի տիպի անօդաչու սարքերի կիրառմամբ ահաբեկչական հարձակումներ իրականացնելու կիևյան ռեժիմի փորձի ժամանակ ՀՕՊ հերթապահ միջոցներով ոչնչացվել է 22 ԱԹՍ, որոնցից 15-ը՝ Բրյանսկի մարզի տարածքում, վեցը՝ Ղրիմի Հանրապետության, մեկը՝ Լիպեցկի մարզի տարածքում», – ասված է հաղորդագրության մեջ:
Հիշեցնենք, որ ուկրաինական զորքերը պարբերաբար գնդակոծում և տարբեր միջոցներով գրոհում են ՌԴ սահմանամերձ տարածքները, մասնավորապես՝ Բելգորոդի, Բրյանսկի, Կուրսկի և Վորոնեժի մարզերը։