ԵՐԵՎԱՆ, 29 հունիսի – Sputnik. Կուրսկի մարզում ուկրաինական անօդաչու սարքի հարձակման հետևանքով հինգ մարդ է մահացել, այդ թվում ՝ երկու երեխա: Տեղեկությունը հայտնում է Կուրսկի մարզի ղեկավարի ժամանակավոր պաշտոնակատար Ալեքսեյ Սմիրնովը։
«Այս գիշեր ուկրաինական դրոնը հարձակվել է Ռիլսկի շրջանի Գորոդիշչե գյուղում գտնվող բնակելի տներից մեկի վրա։ Ցավոք, մահացել է 5 մարդ, որոնցից 2-ը փոքր երեխաներ են։ Ընտանիքի ևս 2 անդամ ծանր վիճակում տեղափոխվել են Ռիլսկի շրջանային հիվանդանոց, որտեղ նրանց բժշկական օգնություն է ցուցաբերվում», - գրել է նա Telegram–ում։
Հիշեցնենք, որ ուկրաինական զորքերը պարբերաբար գնդակոծում և տարբեր միջոցներով, այդ թվում ՝ ԱԹՍ-ների միջոցով, գրոհում են ՌԴ սահմանամերձ շրջանները, հատկապես՝ Բելգորոդի, Բրյանսկի, Կուրսկի և Վորոնեժի մարզերը։