ԵՐԵՎԱՆ, 23 հունիսի – Sputnik. Սևաստոպոլի լողափում Ուկրաինայի ԶՈւ հարձակման հետևանքով 4 մարդ զոհվել է, ոչ թե 5, ինչպես ավելի վաղ հաղորդվել էր, պարզաբանել է Սևաստոպոլի նահանգապետ Միխայիլ Ռազվոժաևը
Զոհերի թվում երկու երեխա կա։ Վիրավորներից 13-ը ծանր վիճակում են
Ավելի վաղ հաղորդվել էր, որ ՌԴ առողջապահության նախարարության տվյալներով՝ 124 մարդ, այդ թվում՝ 27 երեխա, ստացել են տարբեր ծանրության վնասվածքներ։
«Բժիշկները Սևաստոպոլի հրետակոծությունից 13 տուժածների վիճակը գնահատում են ծանր, 62 հիվանդ ստացել է ամբուլատոր բուժօգնություն»,- ասել է ՌԴ առողջապահության նախարարի օգնական Ալեքսեյ Կուզնեցովը։
Ընդհանուր առմամբ բուժօգնության է դիմել 144 մարդ, նրանցից 82-ը հոսպիտալացվել են, այդ թվում՝ 27 երեխա։
Ուկրաինայի զինված ուժերն այսօր կեսօրին հարձակում են գործել Սևաստոպոլի ուղղությամբ։ Վերջին տվյալներով՝ Ուկրաինայի զինված ուժերի հրթիռային հարձակման հետևանքով տուժել է 124 մարդ, այդ թվում՝ 27 երեխա։ Սևաստոպոլում հունիսի 24-ը սգո օր է հայտարարվել։
ՌԴ Պաշտպանության նախարարության տվյալներով՝ գրոհն իրականացվել է ԱՄՆ-ի կողմից մատակարարված ATACMS հրթիռներով։