ԵՐԵՎԱՆ, 22 հունիսի – Sputnik. Այսուհետ կտուգանվեն տարբեր շենքերի, կառույցների պատերին անօրինական թռուցիկներ փակցնողները։ Այս մասին հայտնում է Երևանի քաղաքապետարանը։
Հրապարակված կադրերում երևում է` ինչպես են քաղաքապետարանի աշխատակիցները պատերի, սյուների վրայից պոկում փակցված գովազդային պաստառներն ու տարաբնույթ հայտարարությունները։
Քաղաքապետարանն ընդգծում է, որ մայրաքաղաքում առանց թույլտվության արտաքին գովազդ տեղադրելու համար տուգանք է կիրառվում նվազագույն աշխատավարձի մինչև 100-ապատիկի չափով։