ԵՐԵՎԱՆ, 16 հունիսի- Sputnik. Ռուսաստանը գազի արտահանման ցուցանիշով առաջ է անցել ԱՄՆ-ից, հայտնում է Financial Times պարբերականը։
Հղում անելով ICIS խորհրդատվական ընկերության տվյալներին՝ պարբերականը նշում է, որ 2022 թվականի սեպտեմբերին ԱՄՆ-ն առաջ էր անցել Ռուսաստանից Եվրոպա գազի մատակարարումներով, սակայն 2024 թվականի մայիսին Ռուսաստանը կրկին հայտնվել է առաջին տեղում։
2023 թվականին Եվրոպա գազի ներկրման մեջ ԱՄՆ-ի մասնաբաժինը կազմել է 20%, սակայն 2024 թվականին ԱՄՆ-ից հեղուկ բնական գազի մատակարարումները նվազել են մինչև 14%, մինչդեռ Ռուսաստանն իր մասնաբաժինն ավելացրել է մինչև 15%:
Այնուամենայնիվ, ICIS գազի շուկայի վերլուծական դեպարտամենտի ղեկավար Թոմ Մարզեք-Մանսերը նախազգուշացրել է, որ Ռուսաստանը դժվար թե կարողանա պահպանել առաջատարի դիրքը՝ պատժամիջոցների և ԱՄՆ-ում հեղուկացված բնական գազի արտադրության զարգացման պատճառով: