Ազգային ժողովում լեզվակռիվ ու ծեծկռտուք սկսվեց, երբ ՀՀ վարչապետ Նիկոլ Փաշինյանը վախկոտ դասալիքներ անվանեց արցախցի զինվորականներին։
«Այն մարդիկ, որ իմ ասուլիսներին ԼՂ–ից լրագրողների միջոցով մեսիջներ էին ուղարկում` ասելով, որ ԼՂ ժողովուրդը հերոսական է, մենք մինչև վերջ կանգնելու ենք ու ոչ մի բան չենք զիջելու, Ադրբեջանի կողմից գործողությունը սկսելուց 2 ժամ առաջ դողեդող զանգում էին ինձ, ասում էին` մի բան արա, մենք էստեղից փախնենք»,– ասաց Փաշինյանը։
Դրանից հետո պատգամավորների միջև լեզվակռիվ սկսվեց, ապա հերթը հասավ բռունցքներին։
Նշենք, որ զուգահեռաբար դրսում «Տավուշը հանուն հայրենիքի» շարժման անդամները և նրանց կողմնակիցները հանրահավաք են իրականացնում։ Մեծաթիվ ոստիկանական ուժեր են տեղակայված Բաղրամյան–Դեմիրճյան խաչմերուկում, Պռոշյան–Դեմիրճյան խաչմերուկում կարմիրբերետավորներ են, իսկ Պռոշյան փողոցում` սևբերետավորներ։ Պարբերաբար հրմշտոց է սկսվում քաղաքացիների և ոստիկանության միջև, ինչի հետևանքով վնասվածքներ ստացած քաղաքացիներ կան, նաև լրագրողական տեխնիկա է վնասվել։