Դարձյալ անձրև և ամպրոպ կլինի, ջերմաստիճանը մի փոքր էլ կիջնի. եղանակի տեսություն

ԵՐԵՎԱՆ, 11 հունիսի – Sputnik. Հայաստանի Հանրապետության շրջանների զգալի մասում հունիսի 11-12-ին ժամանակ առ ժամանակ սպասվում է անձրև և ամպրոպ, առանձին հատվածներում` ինտենսիվ, կտեղա նաև կարկուտ։ Տեղեկությունը հայտնում է ՀՀ ՇՄՆ Հիդրոօդերևութաբանության և մոնիտորինգի ազգային կենտրոնը։

Հաղորդագրության համաձայն` քամին կլինի հարավարևմտյան՝ 3-5մ/վ, ամպրոպի ժամանակ սպասվում է քամու ուժգնացում` 18-23մ/վ արագությամբ:

Օդի ջերմաստիճանն այսօր ցերեկային ժամերին կնվազի 2-4 աստիճանով։

Երևան քաղաքում հունիսի 11-12-ին ժամանակ առ ժամանակ սպասվում է անձրև և ամպրոպ, քաղաքի առանձին հատվածներում` ինտենսիվ, հնարավոր է նաև կարկուտ։