ԵՐԵՎԱՆ, 4 հունիսի – Sputnik. «Քաղաքացիական պայմանագիր» կուսակցության վարչության այսօրվա նիստում հաստատվել են անդամակցելու հայտ ներկայացրած քաղաքացիների դիմումները։ Տեղեկությունը հայտնում է կուսակցության մամուլի ծառայությունը։ Նիստը վարել է վարչության նախագահ, ՀՀ վարչապետ Նիկոլ Փաշինյանը։
«Վարչության որոշմամբ` Ապարան-Ծաղկահովիտ տարածքային կազմակերպության փոխարեն Ապարանում և Ծաղկահովիտում կհիմնվեն առանձին տարածքային կազմակերպություններ»,- նշված է հաղորդագրության մեջ։
Գյումրու տարածքային կազմակերպության խորհրդի նախագահի պաշտոնում հաստատվել է Շիրակի նախկին մարզպետ Կարեն Սարուխանյանի թեկնածությունը։
Նշանակվել է Արաբկիրի տարածքային կազմակերպության խորհրդի ընտրությունների օրը։