Մրցույթներ, շոու և նվերներ. ինչպես են երեխաներին շնորհավորել Գորիսում

Գորիսի Գրիգոր Տաթևացու անվան հրապարակում Երեխաների պաշտպանության միջազգային օրվան նվիրված տոնակատարություն է տեղի ունեցել։

Տոնին ներկա են եղել Գորիսի և սահմանամերձ գյուղերի մինչև 13 տարեկան մի քանի հարյուր երեխաներ: Երեխաների համար ծրագիր էր կազմակերպվել անիմատորների և մուլտհերոսների մասնակցությամբ։ Երեխաները հաճույքով մասնակցել են տարբեր մրցույթների, թղթե շոուների, փուչիկների շոուների և այլն:

Բոլոր մասնակիցները ստացել են քաղցր նվերներ:

Երեկոյան նմանատիպ միջոցառում կանցկացվի նաև Հրազդան քաղաքում՝ Շառլ Ազնավուրի անվան զբոսայգում:

Նշենք, որ միջոցառումը կազմակերպել էին «Երկիրը երեխաների համար» և «Ժառանգություն և առաջընթաց» բարեգործական հիմնադրամները՝ ՌԴ նախագահին առընթեր Երեխայի իրավունքների հանձնակատարի աջակցությամբ: