Պապիկյանն ու ԵՄ ռազմական կոմիտեի նախագահը պայմանավորվել են զարգացնել համագործակցությունը

ԵՐԵՎԱՆ,29 մայիսի – Sputnik. ՀՀ պաշտպանության նախարար Սուրեն Պապիկյանն ու ԵՄ ռազմական կոմիտեի նախագահ, գեներալ Ռոբերտ Բրիգերը պայմանավորվել են զարգացնել փոխադարձ հետաքրքրություն ներկայացնող ոլորտներում համագործակցությունը։ Տեղեկությունը հայտնում է ՀՀ պաշտպանության նախարարությունը։

Ըստ հաղորդագրության` հանդիպումը կայացել է մայիսի 29-ին Շումանի անվտանգության և պաշտպանության ֆորումի աշխատանքների շրջանակում։

Պաշտպանության նախարարը ներկայացրել է ՀՀ զինված ուժերի բարեփոխումների ընթացքը:

Քննարկվել են նաև տարածաշրջանային անվտանգությանն առնչվող հարցեր:

Պապիկյանը հանդիպումներ է ունեցել նաև ԵՄ ԱԳԵԾ գլխավոր քարտուղարի տեղակալ Չարլզ Ֆրիզի, ԵՄ քաղաքական ու անվտանգության կոմիտեի նախագահող Դելֆին Պրոնկի և ԱԳԵԾ Արևելյան Եվրոպայի, Ռուսաստանի, Միջին Ասիայի, տարածաշրջանային համագործակցության ու ԵԱՀԿ հարցերով կառավարող տնօրեն Միխայել Զիբերթի հետ:

Հիշեցնենք` Պապիկյանը Բրյուսել է մեկնել մայիսի 28-ին։ Նա հանդիպել է Բելգիայի փոխվարչապետ Դավիդ Կլարինվալի հետ, այցելել է ռազմական տեխնիկա արտադրող ընկերություն։