ԵՐԵՎԱՆ, 28 մայիսի – Sputnik. Մայր աթոռը հրապարակել է ամբողջական տեսանյութն այն մասին, թե ինչպես են ոստիկաններն այսօր խոչընդոտել Ամենայն հայոց կաթողիկոսի մուտքը Սարդարապատ։
Ավելի վաղ հայտնել էինք, որ այսօր Սարդարապատում ոստիկանները խոչընդոտել են Ամենայն հայոց կաթողիկոս Գարեգին Բ–ի մուտքը հուշահամալիր, սակայն ճեղքելով ոստիկանական պատը` կաթողիկոսին այնուամենայնիվ հաջողվել է հասնել հուշակոթողի մոտ, աղոթք բարձրացնել առ Աստված։
Միջադեպն արժանացավ հանրային լայն քննարկման, դատապարտող հայտարարություններ արեցին ինչպես Մայր աթոռը, այնպես էլ առանձին հոգևորականներ ու անհատներ, այդ թվում` Մեծի Տանն Կիլիկիո կաթողիկոս Արամ Առաջինը, Մայր աթոռ Սուրբ Էջմիածնի Քրիստոնեական դաստիարակության կենտրոնի տնօրեն Տ. Զաքարիա ծայրագույն վարդապետ Բաղումյանը, ՀՀ նախկին ՄԻՊ Արման Թաթոյանը և այլք։
Հիշեցնենք` մայիսի 28-ին նշվում է Հանրապետության տոնը։ Հայաստանի առաջին հանրապետությունը հռչակվեց 1918 թվականի մայիսի 28-ին ու գոյություն ունեցավ մինչև 1920 թվականը։