ՀՀ ՏԿԵՆ–ը ներկայացրել է փակ ճանապարհները և առաջարկել այլընտրանքային երթուղիները

ԵՐԵՎԱՆ, 26 մայիսի – Sputnik․ ՀՀ տարածքային կառավարման և ենթակառուցվածքների նախարարությունը ներկայացրել է փակ ճանապարհները և առաջարկել այլընտրանքային երթուղիները։ Տեղեկությունը հայտնում է նախարարության մամուլի ծառայությունը։

Հայտնել էինք, որ Դեբեդ գետի վարարած ջրերը այս գիշեր դուրս են եկել հունից՝ ավերածություններ անելով Մ–6 միջպետական ճանապարհին, ինչի հետևանքով ճանապարհը երկկողմանի փակ է երթևեկության համար։

1. Վանաձոր – Ալավերդի – Այրում - Բագրատաշեն

2. Դիլիջան – Իջևան

Հայաստան – Վրաստան միջպետական երթուղի

1. «Գոգավան մ/տ» - Տաշիր – Ստեփանավան – Վանաձոր – Երևան

2. «Բավրա մ/տ» - Գյումրի – Երևան

1. Այրում – Նոյեմբերյան – Այգեհովիտ – Տավուշ – Բերդ – Թթուջուր – Ճամբարակ – Սևան-Երևան

Նախարարությունից նշում են, որ այս պահին նախարար Գնել Սանոսյանը, գերատեսչության աշխատակիցները, «Ճանապարհային դեպարտամենտ» հիմնադրամի աշխատակիցները տեղում են և ՆԳՆ–ի, մարզպետարանի, համայնքապետարանների աշխատակիցների հետ համակարգում են տարվող աշխատանքները:

Այս գիշեր տեղացած հորդառատ անձրևների հետևանքով ՀՀ մի շարք մարզերում փլուզվել են ճանապարհներ, տները հայտնվել են հեղեղի տակ, արգելափակվել են մարդիկ։

Ավելի վաղ հայտնել էինք, որ մայիսի 26–ի գիշերը Դեբեդ գետի վարարման հետևանքով Մ-6 միջպետական ճանապարհը երկկողմանի փակ է երթևեկության համար։ Վարարման հետևանքով, նախնական տվյալներով, կա մեկ զոհ, իսկ մեկ քաղաքացի ընկել է գետը։ Հորդառատ անձրևների հետևանքով վարարել է նաև Աղստև գետը, Տավուշի որոշ հատվածներ ևս ջրով են ծածկվել։