Ռուսաստանի պաշտպանության նախարարությունը հրապարակել է զորավարժությունների կադրեր՝ ոչ ռազմավարական միջուկային զենքի պատրաստման և կիրառման հարցերի գործնական մշակմամբ:
Տեսանյութում երևում է «Իսկանդեր» օպերատիվ-մարտավարական համալիրների առաջխաղացումը և դրանց վրա հրթիռների տեղադրումը, ինչպես նաև «Կինժալ» հիպերձայնային հրթիռների կրիչը՝ ՄիԳ-31 կործանիչը օդանավակայանում:
Զորավարժության առաջին փուլը՝ ոչ ռազմավարական միջուկային զենքի պատրաստման և կիրառման հարցերի գործնական մշակմամբ, անցկացվում է Հարավային ռազմական օկրուգում՝ ՌԴ զինված ուժերի գլխավոր շտաբի ղեկավարությամբ և գերագույն գլխավոր հրամանատարի հանձնարարությամբ:
Նախարարությունը հայտարարել է, որ այն ուղղված է ոչ ռազմավարական միջուկային զենքի ստորաբաժանումների անձնակազմի և տեխնիկայի պատրաստվածության պահպանմանը՝ Ռուսաստանի պետական տարածքային ամբողջականությունն ու ինքնիշխանությունը անպայմանորեն ապահովելու նպատակով՝ ի պատասխան որոշ արևմտյան պաշտոնյաների սադրիչ հայտարարությունների և սպառնալիքների։