Պարագվայի 38-րդ նախագահ Խոսե Ֆելիքս Էստիգարիբիայի ուղղաթիռը կործանվել է 1940թ. սեպտեմբերի 7-ին Ալտոս քաղաքի մոտ։ Ուղղաթիռում եղել են Պարագվայի նախագահը, նրա կինը և օդաչուն։ Բոլորը զոհվել են։
Ֆիլիպինների նախագահ Ռամոն Մագսայսային (ձախից) տեղափոխող ինքնաթիռը կործանվցել է 1957թ. մարտի 17-ին Բալամբան քաղաքի մոտ։ Վթարի հետևանքով զոհվել է ինքնաթիռում գտնվող 26 մարդկանցից 25-ը։
Ռամոն Մագսայսային տեղափոխող կործանված ինքնաթիռի մնացորդները
1966թ. ապրիլի 13-ին Իրաքի հարավային Բասրա քաղաքի օդանավակայանից 10 կիլոմետր հեռավորության վրա կործանվել է Իրաքի նախագահ Աբդուլ Սալամ Արեֆի ինքնաթիռը։ Նախագահը զոհվել է։
1969թ. ապրիլի 27-ին Արկե բնակավայրի մոտ Բոլիվիայի նախագահ Ռենե Բարիենդոս Օրտունյոին տեղափոխող ուղղաթիռը բախվել էր էլեկտրահաղորդման գծին։ Նախագահը զոհվել էր։
Պանամայի վարչապետ գեներալ Օմար Տորիխոս Էրերուն զոհվել է 1981թ. հուլիսի 31-ին։ Նրա տեղափոխող ուղղաթիռը բախվել է լեռանը և կործանվել վայրէջքի ժամանակ, վատ եղանակային պայմաններում։
1986թ. հոկտեմբերի 19-ին գետնին է բախվել և կործանվել Մոզամբիկի նախագահ Սամորա Մաշելին տեղափոխող ինքնաթիռը։ Ինքնաթիռում եղել է 44 մարդ, զոհվել է 34–ը։
Մոզամբիկի նախագահ Սամորա Մաշելին տեղափոխող ուղևորատար ինքնաթիռի մնացորդները հայտնաբերվել են հուշարձանի մոտ։
1988թ. օգոստոսի 17-ին Պակիստանի նախագահ Մուհամեդ Զիա-ուլ-Հակին տեղափոխող ինքնաթիռը կործանվել է։ Զոհվել են բոլոր 31 ուղևորները, որոնց մեջ եղել են նաև ԱՄՆ դեսպան Առնոլդ Լյուիս Ռաֆելը և Պակիստանի հետախուզության գլխավոր տնօրեն Աբդուր Ռահման Ահթարը։
1994թ. ապրիլի 6-ին «երկիր-երկինք» հրթիռով խոցվել է Ռուանդայի նախագահ Ժյուվենալ Հաբիարիմանային և Բուրունդիի նախագահ Սիփրիեն Նթարյամիրային տեղափոխող ինքնաթիռը։ Երկու ղեկավարները և ևս 10 մարդ, որոնք գտնվում էին ինքնաթիռում, զոհվել են։
.jpg){kind=link}
Ռուանդայի և Բուրունդիի նախագահներին տեղափոխող ինքնաթիռի բեկորները
2004թ. փետրվարի 26-ին բոսնիական Մոստար քաղաքի մոտ կործանվել է Մակեդոնիայի նախագահ Բորիս Տրայկովսկուն տեղափոխող ինքնաթիռը։ Նախագահի հետ միասին զոհվել են 8 անձինք։ Վթարը տեղի է ունեցել օդաչուների վատ պատրաստվածության և վատ եղանակային պայմանների պատճառով։
Բորիս Տրայկովսկուն տեղափոխող ինքնաթիռի բեկորները։
2010թ. ապրիլի 10-ին Լեհաստանի նախագահ Լեխ Կաչինսկին և լեհական քաղաքական ու ռազմական էլիտայի ներկայացուցիչներին տեղափոխող ինքնաթիռը կործանվել է վայրէջք կատարելիս։ Զոհվել են բոլոր 89 ուղևորները և անձնակազմի յոթ անդամները։
Լեհաստանի նախագահի ինքնաթիռի բեկորները վթարից հետո։
2024թ. մայիսի 19-ին կործանվեց Իրանի նախագահ Էբրահիմ Ռայիսիին տեղափոխող ուղղաթիռը, որում էին նաև երկրի ԱԳ նախարար Հոսեյն Ամիր Աբդոլահիանն է, Արևելյան Ադրբեջանի նահանգապետ Մալեք Ռահմաթին, Թավրիզ քաղաքի իմամ Մոհամադ Ալի Ալե Հաշեմը, Իսլամական հեղափոխության պահապանների կորպուսի գեներալ Մեհդի Մուսավին։
Իրանի նախագահին տեղափոխող ուղղաթիռի կործանման վայրը։