Խոշոր հրդեհ է բռնկվել Վարշավայի առևտրի կենտրոնում: Շրջակա տների բնակիչներին խնդրում են փակել պատուհանները և մնալ տանը, հայտնում են տեղական լրատվամիջոցները:
Ներկայումս հրդեհի վերացմամբ զբաղվում են փրկարարների մի քանի տասնյակ հաշվարկներ, այդ թվում՝ քիմիական-էկոլոգիական հատուկ խումբը:
Հրդեհը մեկուսացվել է, սակայն հրշեջներն ասում են, որ մարումը կտևի ևս մի քանի ժամ:
Վերջին տվյալներով՝ առևտրի կենտրոնը գրեթե ոչնչացված է։
Տուժածների մասին տեղեկություններ դեռ չկան: