Հայաստանի առանձին շրջաններում սպասվում է կարճատև անձրև. եղանակի տեսություն

ԵՐԵՎԱՆ, 23 ապրիլի - Sputnik. Հայաստանի Հանրապետության տարածքում ապրիլի 23-ին կեսօրից հետո առանձին շրջաններում սպասվում է կարճատև անձրև և ամպրոպ, տեղ-տեղ հնարավոր է նաև կարկուտ։ Ապրիլի 24-26-ին սպասվում է առանց տեղումների եղանակ։

Տեղեկությունը հայտնում են Հիդրոօդերևութաբանության և մոնիտորինգի կենտրոնից։

Քամին՝ հյուսիսարևմտյան 2-4մ/վ, ամպրոպի ժամանակ սպասվում է քամու ուժգնացում 16-20մ/վ արագությամբ:

Օդի ջերմաստիճանն ապրիլի 25-27-ին աստիճանաբար կբարձրանա 4-6 աստիճանով։

Երևանում ապրիլի 23-ին սպասվում է առանց տեղումների եղանակ։ Ամպրոպի ժամանակ սպասվում է քամու ուժգնացում 15-18մ/վ։

Մայրաքաղաքում օդի ջերմաստիճանը կլինի այսօր ցերեկը 26-28, երեկոյան՝ 17-19 աստիճան։