Եվրատլանտյան անվտանգությունն իրեն սպառել է, այն պետք է փոխարինել եվրասիականով։ Այս մասին հայտարարել է ՌԴ ԱԳ նախարար Սերգեյ Լավրովը Sputnik, «Говорит Москва» и «Комсомольская правда» ռադիոկայաններին տված հարցազրույցում։
Նրա խոսքով՝ եվրատլանտյան մոդելը, որի վրա կառուցվում էր անվտանգությունը դեռևս Խորհրդային Միության օրոք ԵԱՀԿ-ի ստեղծումից ի վեր և որի վրա հույս էին դնում ԽՍՀՄ փլուզումից հետո, չի գործում: Արևմուտքը չցանկացավ կատարել այն պարտավորությունները, որոնք համաձայնեցված էին և իսկապես պետք է հավասար անվտանգություն ապահովեին։
«Եվրաատլանտյան անվտանգությունը՝ ի դեմս և՛ ՆԱՏՕ-ի, և՛ ԵԱՀԿ-ի (ՆԱՏՕ-ի հետ նույնպես մենք մեխանիզմներ ունեինք ստեղծած), ներկայիս ձևով իրեն սպառել է։ Եվ մենք ուզում ենք խոսել եվրասիական անվտանգության մասին, որը շատ ավելի բնական է, քանի որ դա մեկ մայրցամաք է։ Եվ այդ սխեմայում օվկիանոսի այն կողմից ոչ ոք չի մասնակցում։ Եվ որը հիմնված կլինի հիմա գոյություն ունեցող բոլոր նախագծերի միավորման վրա։ Դա թե՛ ԵԱՏՄ-ն է, թե՛ ՀԱՊԿ-ը, թե՛ ՇՀԿ-ն, ԱՊՀ-ն, չինական «Մեկ գոտի, մեկ ճանապարհ»-ը,-ասել է Լավրովը։
Այս ամենը, նրա խոսքով, նյութական հիմք է ստեղծում անվտանգության ոլորտում հետագա պայմանավորվածությունների համար։