Էնդոկրինոլոգ Գրետա Մուրադյանը նշում է, որ միայն կանայք չէ, որ հանդիպում են հորմոնալ խնդիրների. էնդոկրին համակարգի խնդիրներ ունենում նա տղամարդիկ։ Ճիշտ է` կանանց մոտ էնդոկրին խնդիրները տասը մեկին հարաբերակցությամբ ավելի շատ են հայտնաբերվում, սակայն տղամարդիկ նույնպես ունենում են վահանաձև գեղձի խնդիրներ, հորմոնային շեղումներ, շաքարային դիաբետ։
«Երեխաների մոտ նույնպես և՛ ճարպակալման խնդիրները, և՛ հորմոնային շեղումները ավելի հաճախ են հանդիպում, քան նախկինում։ Խնդիրները հայտնաբերվում են թե՛ դեռահասության, թե՛ ռեպրոդուկտիվ տարիքում», – նշեց նա։
Նա նկատեց, որ հորմոնային խնդիրները տարբեր են, բայց ամենահաճախ հանդիպողը վահանաձև գեղձի թերֆունկցիան է կամ գերֆունկցիան։ Առաջին դեպքում մարդըը կարող է ունենալ այտուցված տեսք, մազակալում, քաշի ավելացում, արմունկների մաշկի մգացում, իսկ գերֆունկցիայի դեպքում` քաշի նվազում, դող, փորլուծություն։
«Վահանաձև գեղձը փոքր օրգան է, բայց շատ մեծ դեր է կատարում։ Այն մեր օրգանիզմի դիրիժորն է», – ընդգծեց մասնագետը։
Նա նաև խոսել է ճարպակալման պատճառների և օզեմպիկով նիհարելու մասին։ Մասնագետը նշել է էնդոկրին համակարգի պահպանման համար կարևոր սովորությունները, անդրադարձել դաշտանադադարի շրջանում կանանց ինքնազգացողությանը և խորհուրդներ տվել նրանց։
Ավելի մանրամասն` տեսանյութում։