ԵՐԵՎԱՆ, 9 ապրիլի – Sputnik. Հարավային Կովկասում հակամարտության կարգավորման ուղին բանակցությունների սեղանի շուրջ է: Այս մասին ճեպազրույցի ժամանակ հայտարարել է ԱՄՆ Պետդեպարտամենտի մամուլի ծառայության ղեկավար Մեթյու Միլլերը։
Նրա խոսքով ՝ ԱՄՆ-ն ուրախ է հնարավոր ցանկացած դեր խաղալ Հայաստանի և Ադրբեջանի միջև երկխոսությանը նպաստելու գործում:
«Ես չեմ ցանկանում խոսել առաջիկա հանդիպումների մասին, բայց մենք միշտ հստակ հասկացրել ենք, որ ողջունում ենք երկխոսությունը։ Երբ պետքարտուղարը շփվել է Հայաստանի և Ադրբեջանի ղեկավարների հետ, նա հստակ հասկացրել է, որ երկու կողմերի միջև երկխոսություն է անհրաժեշտ: Մենք ուրախ ենք ցանկացած հնարավոր դեր խաղալ այդ երկխոսությանը նպաստելու գործում և կշարունակենք դա անել, բայց ես չեմ ցանկանում որևէ կոնկրետ անոնս անել առաջիկա հանդիպումների մասին»,-հայտարարել Է Միլլերը։
Հիշեցնենք` ապրիլի 5-ին Բրյուսելում կայացել է Փաշինյանի, ԱՄՆ-ի պետքարտուղար Էնթոնի Բլինկենի և Եվրահանձնաժողովի նախագահ Ուրսուլա ֆոն դեր Լայենի հանդիպումը։ Դրանից առաջ և հետո ադրբեջանական ԶՈւ–ն պարբերաբար կրակ է բացում հայակկան դիրքերի ուղղությամբ։