Երեկոյան ժամերին կանձրևի. եղանակի տեսություն

ԵՐԵՎԱՆ, 9 ապրիլի - Sputnik. Հայաստանի Հանրապետության տարածքում ապրիլի 9-ի երեկոյան ժամերին, 10-ի ցերեկը, 11-ին շրջանների զգալի մասում, 10-ի և 12-ի գիշերը առանձին շրջաններում ժամանակ առ ժամանակ սպասվում է կարճատև անձրև։ Ապրիլի 12-ի ցերեկը, 13-ին սպասվում է առանց տեղումների եղանակ։ Տեղեկությունը հայտնում են Հիդրոօդերևութաբանության և մոնիտորինգի կենտրոնից։

Քամին հարավարևելյան է, 2-5մ/վ արագությամբ: Օդի ջերմաստիճանը ապրիլի 12-13-ին աստիճանաբար կբարձրանա 2-4, Լոռիում, Տավուշում և Սյունիքում՝ 6-8 աստիճանով։

Երևան քաղաքում ապրիլի 9-ի երեկոյան ժամերին, 10-11-ին, 12-ի գիշերը ժամանակ առ ժամանակ սպասվում է կարճատև անձրև։ Ապրիլի 10-ի գիշերը, 12-ի ցերեկը, 13-ին սպասվում է առանց տեղումների եղանակ։

Մայրաքաղաքում ապրիլի 9–ի ցերեկը կլինի 18-20 աստիճան տաքություն, իսկ երեկոյան ժամերին կգրանցվի +13...+15 աստիճան։