«Հայերի ջարդեր». Ֆրանսիան հայերի ողբերգության մասին պատմեց շոկոլադի տուփում դրված ներդիրով

Ցուցադրության հիմքում ընկած են Օսմանյան կայսրությունում հայերի առաջին կոտորածների մասին փաստերը, որոնք պատմության մեջ մտան որպես համիդյան ջարդեր։ Սուլթան Աբդուլ Համիդ II-ի օրոք տեղի ունեցած իրադարձություններն այդ ժամանակ մեծ հնչեղություն ստացան և լուսաբանվեցին միջազգային մամուլում։

Թերթերում հայտնվեցին փոստային բացիկներ, հոդվածներ և նույնիսկ ծաղրանկարներ թուրք հանցագործների, հատկապես սուլթանի մասին։ Ցուցանմուշների շարքում առանձնանում է «Հայերի կոտորածները» անվանումով գովազդային ներդիր-բացիկների հավաքածուն, որը ֆրանսիական շոկոլադագործական «Chocolaterie d’Aiguebelle» ընկերությունը թողարկել է 1896 թվականին:

Ջարդերի զոհ է դարձել շուրջ 300 հազար հայ։ Այս ողբերգական իրադարձությունները, ցավոք, կրկնվեցին հաջորդ տասնամյակների ընթացքում: