Երևանում անցկացվեց ամենամյա կանթեղներով երթը։ Ճրագալույցի սուրբ պատարագին հաջորդող «Հարության Ավետիս» խորագրով երթն ամեն տարի կազմակերպում են Հայ առաքելական եկեղեցու Արարատյան հայրապետական թեմի երիտասարդաց միությունները։ Երթն առաջնորդում էր Երևանի Սուրբ Սարգիս եկեղեցու հոգևոր հովիվ տեր Պետրոս ավագ քահանա Մալյանը։
Երթը մեկնարկել էր Սուրբ Սարգիս առաջնորդանիստ եկեղեցուց։ Հավատավոր քրիստոնյաները, կանթեղները ձեռքերում պահած, աղոթքով և եկեղեցական երգերով քայլեցին Երևանի կենտրոնական փողոցներով։
Երթն ավարտվեց Հանրապետության հրապարակում։