Օդի ջերմաստիճանը կսկսի բարձրանալ. եղանակի տեսություն

ԵՐԵՎԱՆ, 28 մարտի - Sputnik. Հայաստանի Հանրապետության տարածքում այս գիշեր ժամը 6։00-7։00 ընկած ժամանակահատվածում Արարատյան դաշտի առանձին հատվածներում օդում գրանցվել է 0․․․-1 աստիճան ցուրտ։ Բայց բացասական ջերմաստիճանի շատ կարճ տևողության շնորհիվ այն չի ազդել ծաղկած պտղատուների վրա։ Տեղեկությունը հայտնում են Հիդրոօդերևութաբանության և մոնիտորինգի կենտրոնից։

Տեղեկացվում է, որ մարտի 28-29-ին, 30-ի գիշերը, ապրիլի 1-ին սպասվում է առանց տեղումների եղանակ։ Մարտի 30-31-ին առանձին շրջաններում սպասվում են տեղումներ, 31-ի գիշերային ժամերին լեռնային գոտիներում ձյան տեսքով, 30-ի ցերեկը հնարավոր է նաև ամպրոպ։

Քամին հյուսիսարևմտյան է, 2-4 մ/վ արագությամբ։ Օդի ջերմաստիճանը մարտի 29-30-ին աստիճանաբար կբարձրանա գիշերը՝ 6-8, ցերեկը՝ 5-6 աստիճանով։

Երևան քաղաքում մարտի 28-29-ին, 30-ի գիշերը, 31-ին, ապրիլի 1-ին սպասվում է առանց տեղումների եղանակ։ Մարտի 30-ի ցերեկը սպասվում է կարճատև անձրև, հնարավոր է նաև ամպրոպ:

Մայրաքաղաքում մարտի 28–ի ցերեկը կլինի 13-15 աստիճան տաքություն, իսկ երեկոյան ժամերին կգրանցվի +9...+11 աստիճան։