Եվրամիության ագրարային քաղաքականության դեմ կազմակերպված բողոքի ցույցերը Բրյուսելում վերածվել են բախումների։
Շուրջ 900 տրակտորիստներ մարտի 26-ին ԵՄ անդամ երկրների գյուղատնտեսության նախարարների հանդիպման ժամանակ փորձել են արգելափակել Բելգիայի մայրաքաղաքի Եվրոպական թաղամասը, որտեղ քննարկվել են ընթացիկ ագրարային խնդիրները:
Թեև ոստիկանությունը վաղ առավոտից փակել է փողոցները՝ կազմակերպելով ԵՄ հաստատությունների պահպանությունը, սակայն ֆերմերներին որոշ դեպքերում հաջողվել է տրակտորների օգնությամբ ճեղքել ոստիկանական շղթան: Ցուցարարներն անվադողեր են վառել, գոմաղբ թափել փողոցում, ոստիկանների վրա փայտեր, շշեր ու ձվեր նետել: Ոստիկանությունն էլ արցունքաբեր գազ ու ջրցան մեքենաներ է կիրառել։