ԵՐԵՎԱՆ, 19 մարտի – Sputnik. ՀՀ–ում ապօրինի ծագում ունեցող գույքի բռնագանձման գորածառույթի շրջանակում 6 անշարժ և 1 շարժական գույք է վերադարձվել պետությանը։ Ինչպես հայտնում է ՀՀ դատախազությունը, գլխավոր դատախազ Աննա Վարդապետյանի գլխավորությամբ տեղի ունեցած կոլեգիայի ընդլայնված նիստում այս մասին ասել է նրա տեղակալ Սրբուհի Գալյանը` ամփոփելով 2023 թվականի աշխատանքները։
«2023 թվականի ընթացքում գլխավոր դատախազությունը, ապօրինի ծագում ունեցող գույքի բռնագանձման գործառույթի շրջանակում կնքել է հաշտության 4 համաձայնություն, որոնցով պետությանն է փոխանցվել 6 անշարժ և 1 շարժական գույք։ Դրանց հանրագումարը կազմել է շուրջ 2 մլրդ 200 մլն դրամ։ Վերադարձվել է նաև շուրջ 79 մլն դրամ»,– ասված է հաղորդագրությունում։
Նա նաև ընդգծել է, որ ապօրինի ծագում ունեցող գույքի բռնագանձման պահանջի մասին 102 հայցադիմում կա, որոնցից 68-ը դատարանում է, ու հայցագների հանրագումարը կազմում է շուրջ 416 մլրդ դրամ։ Հաշվետու տարվա ընթացքում Հակակոռուպցիոն դատարան ներկայացված հայցերով պահանջվում է հօգուտ Հայաստանի բռնագանձել 810 անշարժ և 155 շարժական գույք, 230 իրավաբանական անձանցում մասնակցություն (սա հասկանում եմ, որ հայերեն չի, չգիտեմ ոնց գրեմ), 383 մլրդ 522 մլն դրամ։
2022 թվականի ընթացքում դատախազությունը դատարան է ներկայացրել 21 հայցադիմում՝ շուրջ 100 միլիարդ դրամ հայցագնով (պահանջվել էր հօգուտ Հայաստանի Հանրապետության բռնագանձել 200 անշարժ և 45 շարժական գույք, ինչպես նաև 45 իրավաբանական անձանցում մասնակցություն և շուրջ 51 մլրդ 360 մլն դրամ):