Մինչև օրվա վերջ Հայաստանում ՌԴ դեսպանատան մոտ նախագահական ընտրություններում քվեարկել ցանկացող ՌԴ քաղաքացիների հերթը պահպանվեց։ Օրվա ընթացքում հերթը ձգվում էր մոտ մեկ կիլոմետր՝ գրեթե ամբողջությամբ շրջապատելով դեսպանատան շենքը:
Ժամը 19:30-ին սահմանադրական իրավունքից օգտվելու սպասողների շարքերը մոտ կիսով չափ նոսրացել էին, բայց հարյուրավոր մարդիկ դեռ սպասում էին իրենց հերթին։
Նրանցից շատերը, ըստ երևույթին, չեն հասցնի քվեարկել:
Մանրամասները՝ տեսանյութում։
Հիշեցնենք, որ Երևանում ՌԴ նախագահի ընտրություններն անցկացվում են երկու տեղամասերում ՝ ՌԴ դեսպանատանը և Էրեբունի ավիաբազայում (զինծառայողների և նրանց ընտանիքների անդամների համար): Գյումրիում տեղամասերը բացվել են 102-րդ ռազմաբազայում և ՌԴ գլխավոր հյուպատոսությունում։ Սյունիքի մարզում քվեարկությունն անցկացվել է ժամկետից շուտ։
Մարտի 15-ից 17-ը Ռուսաստանում ընթանում է նախագահական ընտրությունների քվեարկությունը, այդ թվում՝ հեռավար ձևաչափով։ Պետության ղեկավարի պաշտոնի համար պայքարում են չորս թեկնածուներ՝ Վլադիմիր Պուտինը (որպես ինքնառաջադրված թեկնածու), Վլադիսլավ Դավանկովը (Նոր մարդիկ կուսակցություն), Լեոնիդ Սլուցկին (ЛДПР) և Նիկոլայ Խարիտոնովը (Ռուսաստանի Դաշնության Կոմունիստական կուսակցություն):