ԵՐԵՎԱՆ, 12 մարտի– Sputnik. ՀՀ–ն կարող է հրաժարվել միջազգային ատյաններում Բաքվի դեմ հայցերից, երբ խաղաղության պայմանագիրը պատրաստ կլինի։ Այս մասին ՀՀ վարչապետ Նիկոլ Փաշինյանն այսօր հայտարարեց մամուլի ասուլիսի ժամանակ։
«Բանակցությունների ընթացքում այդպիսի հարց քննարկվել է ու քննարկվում է։ Դա մի հարց է, որը կարող է քննարկվել ամենավերջում, երբ խաղաղության պայմանագրի դրույթները համաձայնեցվան կլինեն ու երկու կողմերը պատրաստ կլինեն ստորագրել այն»,– ասաց նա։
Վարչապետը հավելեց, որ խաղաղության պայմանագրի կնքումից հետո իրավական պատերազմի շարունակումն անիմաստ է, բայց հավելեց, որ այս գործընթացը պետք է լինի երկուստեք։
«Խոսքը չի կարող լինել միայն Հայաստանի պարագայում, երկուստեք պետք է գնալ նման լուծման»,- նշեց նա։
Հիշեցնենք, որ Հայաստանն Ադրբեջանի դեմ 4 միջպետական գանգատ է ներկայացրել Եվրոպական դատարան, ևս մեկ գանգատ էլ քննվում է ՄԱԿ-ի Արդարադատության միջազգային դատարանում: