ՀՀ դատախազությունը պահանջում է Արագածոտնի նախկին մարզպետից բռնագանձել գույք և գումար

ԵՐԵՎԱՆ, 12 մարտի – Sputnik. ՀՀ գլխավոր դատախազությունը պահանջում է Արագածոտնի նախկին մարզպետ Սարգիս Սահակյանից և նրան փոխկապակցված անձից բռնագանձել անշարժ և շարժական գույք և դրամական միջոցներ։ Տեղեկությունը հայտնում է դատախազության մամուլի ծառայությունը։

Ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին բռնագանձել

• 4 անշարժ գույք,

• 1 տրանսպորտային միջոց,

• 1 մլրդ 121 մլն 258 հազար դրամ, որը չի հիմնավորվում անձի օրինական եկամուտներով, ունի ապօրինի ծագում, փոխանցվել է բարեխիղճ ձեռքբերողի կամ հնարավոր չէ նույնականացնել և բռնագանձել,

• 133 հազար դրամ՝ որպես ապօրինի ծագում ունեցող գույքի օգտագործումից ստացված եկամտի մնացորդ:

Նշենք, որ Սարգիս Սահակյանը Արագածոտնի մարզպետ է եղել 2009–2016 թվականներին։