Ուկրաինացի ազգայնականներից կազմված և Կարմիր բանակի դեմ կռվող «Գալիցիա» էսէսական դիվիզիայի հուշարձանը հեռացվել է Կանադայի Օքվիլ քաղաքի գերեզմանատից, հայտնել է ուկրաինական "Страна.ua"պարբերականը
Պարբերականի համաձայն՝ հուշարձանը կանգնեցվել է Ուկրաինայի Լվովի մարզի Բրոդի քաղաքի մոտ 1944 թվականի մարտերի մասնակիցների հիշատակին։ Այն 1988 թվականից գտնվում էր Կանադայի ուկրաինական գերեզմանատանը։
Ըստ "Страна.иа", ակտիվիստներն ու լրագրողները պահանջում էին հեռացնել հուշարձանը։
«Հարցն ակտուալ է դարձել Կանադայի խորհրդարանում «Գալիցիայի» վետերան Յարոսլավ Գունկոյի մեծարման հետ կապված սկանդալից հետո», - հավելել է հրատարակությունը:
2023 թ. սեպտեմբերի 22-ին Համայնքների պալատ (Կանադայի խորհրդարանի հիմնական պալատ) էր հրավիրվել Յարոսլավ Խունկան (Գունկո), որը պատերազմի տարիներին համալրել էր «Վաֆֆեն» ՍՍ «Գալիցիա» դիվիզիայի շարքերը։ Խոսնակ Էնթոնի Ռոտան ներկայացրել էր հյուրին, որն այսօր արդեն 98 տարեկան է, որպես «Համաշխարհային երկրորդ պատերազմի ուկրաինա–կանադացի վետերան, ով ռուսների դեմ կռվել է Ուկրաինայի անկախության համար»։ Ռոտան հավելել էր, որ նա նաև «Կանադայի հերոս է»։
«Մենք երախտապարտ ենք նրան ծառայության համար։ Շնորհակալություն», – ասել էր խոսնակը։ Դահլիճում ներկա գտնվողները, այդ թվում վարչապետ Ջասթին Թրյուդոն, Ուկրաինայի նախագահ Վլադիմիր Զելենսկին տիկնոջ հետ ոտքի են կանգնել և ծափահարություններով ողջունել Գունկոյին։
Երբ Կանադայի ղեկավարությունը հասկացել է, որ հյուրը նացիստ էր, Էնթոնի Ռոտան հրապարակային ներողություն է խնդրել և հրաժարական տվել։ Ջասթին Թրյուդոն նույնպես ներողություն է խնդրել, սակայն իրենից հանել է պատասխանատվությունը` բարդելով այն նախկին խոսնակի վրա։
Փետրվարին Կանադան մերժեց Ռուսաստանի խնդրանքը ՝ արտահանձնել նացիստների ուկրաինացի հանցակցին։