Ինչպիսի՞ եղանակ է սպասվում կանանց տոնին

ԵՐԵՎԱՆ, 8 մարտի - Sputnik. Հայաստանի Հանրապետության տարածքում մարտի 8-9-ին, 11-ին առանձին շրջաններում սպասվում են տեղումներ, գիշերային ժամերին լեռնային շրջաններում՝ ձյան տեսքով։ Տեղեկությունը հայտնում են Հիդրոօդերևութաբանության և մոնիտորինգի կենտրոնից։

Քամին արևմտյան է 2-4 մ/վ արագությամբ, մարտի 8-9-ին՝ առանձին շրջաններում սպասվում է քամու ուժգնացում 15-20մ/վրկ արագությամբ:

Օդի ջերմաստիճանը մարտի 8-ի գիշերը կնվազի 3-5 աստիճանով, այնուհետև էապես չի փոխվի։

Երևան քաղաքում մարտի 8-ի, 9-ի գիշերը, 10-ին ժամանակ առ ժամանակ սպասվում է անձրև։ Մարտի 8-ի և 9-ի ցերեկը քաղաքի առանձին հատվածներում հնարավոր է կարճատև անձրև։ Մարտի 11-12-ին սպասվում է առանց տեղումների եղանակ։

Մայրաքաղաքում մարտի 8–ի ցերեկը կլինի 10-12 աստիճան տաքություն, իսկ երեկոյան ժամերին կգրանցվի +6...+8 աստիճան։