Երկրաշարժ Ղազախստանում. ուժեղ ցնցումներ են զգացվել Ալմաթիում

Ղազախստանի Ալմաթի քաղաքում ուժեղ երկրաշարժ է տեղի ունեցել, ազդարարման համակարգերն անմիջապես աշխատել են։ Տեղեկությունը հայտնում է Sputnik Ղազախստանը։

Երկուշաբթի առավոտյան Ալմաթիի բնակիչները ուժեղ ցնցումներ են զգացել, մարդիկ փողոց են վազել։

Նշվում է, որ երկրաշարժի ուժգնությունը կազմել է 5.2 մագնիտուդ:

Երկրաշարժը զգացվել է երեք երկրում՝ Ղրղզստանում, Ղազախստանում և Չինաստանում։

Էպիկենտրոնը գտնվել է Ալմաթիից 37 կմ հեռավորության վրա, Ղրղզստանի Իսիկ Կուլի շրջանից 8 կմ հեռավորության վրա: