ԵՐԵՎԱՆ, 29 փետրվարի - Sputnik. Արևմուտքը վերջին շրջանում շատ բան է ասել, և Ռուսաստանի նախագահ Վլադիմիր Պուտինը, Դաշնային ժողովին տեղեկացնելով նոր սպառազինությունների մասին, հստակ հասկացրեց, որ ավելի լավ է ՌԴ-ի հետ գործ չունենալ։ Այս մասին, ինչպես փոխանցում է ՌԻԱ Նովոստին, հայտարարել է ՌԴ պաշտպանության նախարար Սերգեյ Շոյգուն։
«Նրանք (Արևմուտքում- խմբ.) վերջին շրջանում շատ հիմարություններ են ասել․ մեկ տիեզերքում միջուկային զենքի տեղակայում, սրա սպառնալիք, նրա սպառալիք։ Այսօր հստակ ու պարզ պատասխան տրվեց՝ մենք դա ունենք, և դա պետք է ձեզ համար ոչ թե պարզապես սպառնալիք ներկայացնի, այլ պետք է ձեր ուշադրությունը հրավիրի այն բանի վրա, որ ավելի լավ է մեզ հետ գործ չունենալ»,- լրագրողներին ասել է Շոյգուն ի պատասխան ուղերձի՝ նոր սպառազինության, այդ թվում՝ «Պոսեյդոն» ապարատի մասին հատվածը մեկնաբանելու խնդրանքին։
Ի պատասխան այն զինատեսակների զարգացման մասին հարցին, որոնց մասին ՌԴ նախագահը խոսել էր 2018 թվականի ուղերձում, պաշտպանության նախարարը պատասխանել է. «Պարզ և հստակ ասվել է, որ այդ ամենը մենք ունենք, այդ ամենը մեզ մոտ այս տարիների ընթացքում մշակվել, փորձարկվել, ներդրվել է սպառազինության մեջ»:
Նշենք, որ փետրվարի 29-ին ՌԴ նախագահ Վլադիմիր Պուտինը Դաշնային ժողովին հղած ուղերձում հայտարարել է, որ Ռուսաստանը շուտով մարտական հերթապահության ժամանակ կցուցադրի նոր ծանր «Սարմատ» հրթիռային համալիրները:
Բացի այդ, նրա խոսքով, «Կինժալ» գերձայնային համալիրը բարձր արդյունավետությամբ օգտագործվում է ՀՕՊ գոտում, մարտում արդեն կիրառվել է ծովային բազավորման «Ցիրկոն» հարվածային գերձայնային համալիրը, մարտական հերթապահության են կանգնած «Ավանգարդ» միջմայրցամաքային հեռահարության գերձայնային բլոկները և «Պերեսվետ» լազերային համալիրները, ավարտվում են «Բուրեվեստնիկ» անսահմանափակ հեռահարության թևավոր հրթիռի և «Պոսեյդոն» անօդաչու ստորջրյա սարքի փորձարկումները: