ԵՐԵՎԱՆ, 17 փետրվարի – Sputnik. Խորհրդային լեգենդար հետախույզ Գևորգ Վարդանյանի կիսանդրին բացվել է նրա ծննդյան 100–ամյակին հերոսի անունը կրող Երևանի թիվ 192 դպրոցի բակում։
Լեգենդար հետախույզ Գևորգ Վարդանյանի կիսանդրին բացվեց Երևանում նրա 100-ամյա հոբելյանի օրը
© Sputnik / Asatur Yesayants
Բացմանը ներկա էր ռուսական պատվիրակությունը` ՌԴ Դաշնային խորհրդի փոխնախագահ Յուրի Վորոբյովի գլխավորությամբ, ինչպես նաև ՀՀ ԱԺ փոխնախագահ Հակոբ Արշակյանը, ՔՊ–ական պատգամավորներ Ալեքսեյ Սանդիկովը, Անդրանիկ Քոչարյանը, ինչպես նաև ըմբիշ, Եվրոպայի 7–ակի չեմպիոն Արթուր Ալեքսանյանը և մի շարք այլ անձինք։
Լեգենդար հետախույզ Գևորգ Վարդանյանի կիսանդրին բացվեց Երևանում նրա 100-ամյա հոբելյանի օրը
© Sputnik / Asatur Yesayants
Կիսանդրին բացելուց հետո, ներկաները ծաղիկներ խոնարհեցին` ի հիշատակ Գևորգ Վարդանյանի։
Կիսանդրու բացման արարողությունից հետո իրականացվելու է հուշ–ցերեկույթ, ինչից հետո էլ ֆոտոցուցահանդես կբացվի` նվիրված հետախույզի անցած ուղուն։
Լեգենդար հետախույզ Գևորգ Վարդանյանի կիսանդրին բացվեց Երևանում նրա 100-ամյա հոբելյանի օրը
© Sputnik / Asatur Yesayants
Գևորգ Վարդանյանը ծնվել է 1924 թվականի փետրվարի 17-ին, Դոնի Ռոստովում։ Եղել է Խորհրդային միության հայ հետախույզ, ԽՍՀՄ Պետական անվտանգության կոմիտեի գնդապետ, Խորհրդային միության հերոս։
Նա 16 տարեկան է եղել, երբ կյանքը կապել է խորհրդային հետախուզության հետ։
Երևանի թիվ 192 դպրոցի փոխտնօրեն և տնօրենի պաշտոնակատար Սաթենիկ Ստամբոլցյանը լեգենդար հետախույզ Գևորգ Վարդանյանի կիսանդրու բացման արարողությանը
© Sputnik / Asatur Yesayants
1940 թվականից ղեկավարել է հատուկ խումբը, որն զբաղվում էր Թեհրանում և այլ քաղաքներում ֆաշիստ գործակալների և գերմանացի հետախույզների բացահայտմամբ։ Երկու տարում նրա խումբը բացահայտել է ավելի քան 200 մարդու, որոնք ինչ-որ կերպ կապ ունեն գերմանական հետախուզության հետ։
Գևորգ Վարդանյանի հետախուզական գործունեության պատմության մեջ հատկապես նշվում է 1943 թվականը, երբ Թեհրանում կայանալիք կոնֆերանսին գործընկերների հետ պետք է ապահովեր 3 խոշոր տերությունների ղեկավարների (Իոսիֆ Ստալին, Ֆրանկլին Ռուզվելտ, Ուինսթոն Չերչիլ) անվտանգությունը։ Հայ հետախույզին և նրա գործընկերներին հաջողվել է կանխել այդ եռյակի դեմ ֆաշիստական Գերմանիայի ծրագրած մահափորձը։
Գևորգ Վարդանյանի կողքին միշտ եղել է նրա կինը, համախոհն ու գործընկերը՝ Գոհար Լևոնի Վարդանյանը, որ հայրենիքին մատուցած հետախուզական ծառայությունների համար պարգևատրվել է Կարմիր դրոշի շքանշանով։
Լեգենդար հետախույզը մահացել է 2012 թվականի հունվարի 10-ին, Մոսկվայում։