Այսօր էլ տեղումներ չեն սպասվում. եղանակի տեսություն

ԵՐԵՎԱՆ, 12 փետրվարի - Sputnik. Հայաստանի Հանրապետության տարածքում փետրվարի 12-13-ը սպասվում է առանց տեղումների եղանակ։

Տեղեկությունը հայտնում են Հիդրոօդերևութաբանության և մոնիտորինգի կենտրոնից։

Փետրվարի 14-ի ուշ երեկոյան ժամերին առանձին շրջաններում, 15-16-ին շրջանների զգալի մասում սպասվում են տեղումներ, նախալեռնային և հովտային գոտում հնարավոր է նաև ամպրոպ։ Քամին՝ հարավարևմտյան 2-5 մ/վ, փետրվարի 13-ին առանձին վայրերում սպասվում է քամու ուժգնացում 15-18 մ/վ արագությամբ։

Օդի ջերմաստիճանը էապես չի փոխվի։

Երևանում փետրվարի 12-13-ը սպասվում է առանց տեղումների եղանակ։ Փետրվարի 14-ի ուշ երեկոյան ժամերին, 15-16-ին սպաավում է անձրև, հնարավոր է նաև ամպրոպ։

Մայրաքաղաքում օդի ջերմաստիճանը կլինի այսօր ցերեկը 13-15, երեկոյան՝ 8-10 աստիճան։