Կշարունակի տաքանալ. եղանակի տեսություն

ԵՐԵՎԱՆ, 10 փետրվարի - Sputnik. Հանրապետության տարածքում փետրվարի 10-14-ին սպասվում է առանց տեղումների եղանակ։ Տեղեկությունը հայտնում են Հիդրոօդերևութաբանության և մոնիտորինգի կենտրոնից։

Քամին հարավարևմտյան է, 2-5 մ/վ արագությամբ։ Օդի ջերմաստիճանը փետրվարի 10-11-ին աստիճանաբար կբարձրանա ևս 2-3 աստիճանով։

Երևան քաղաքում փետրվարի 10-14-ին սպասվում է առանց տեղումների եղանակ։ Մայրաքաղաքում փետրվարի 10–ի ցերեկը կլինի 13-15 աստիճան տաքություն, իսկ երեկոյան ժամերին կգրանցվի +7...+9 աստիճան։