Չիլիի Վալպարաիսո շրջանում անտառային հրդեհների զոհերի թիվը հասել է 46-ի: Այս մասին սոցցանցերում հայտնել է երկրի նախագահ Գաբրիել Բորիչը։
Նախագահի խոսքով՝ Վալպարաիսոյի բժշկական ծառայությունը հաստատել է հրդեհների հետևանքով 40 մարդու մահը, ևս վեց մարդ ստացած այրվածքներից մահացել է արդեն հիվանդանոցներում: Ընդ որում, հավելել է Բորիսը, այդ տվյալները վերջնական չեն։ Հաշվի առնելով հրդեհների բնույթը՝ զոհերի թիվը կարող է աճել առաջիկա ժամերին։
Ավելի վաղ հաղորդվել էր, որ Չիլիում անտառային հրդեհների հետևանքով զոհերի թիվը հասել է 19-ի: Ամբողջ պետությունում մոլեգնում է հրդեհի 92 օջախ, որոնցից 29-ը մարման փուլում են, ևս 40-ը՝ հատուկ հսկողության ներքո: Իշխանությունների տվյալներով ՝ կրակն ընդգրկել է ավելի քան 40 հազար հեկտար տարածք։
Չիլիի նախագահը հայտարարել է Վալպարաիսո շրջանում արտակարգ իրավիճակի ռեժիմ մտցնելու մասին: