Երկու մարդ է մահացել և գրեթե 300-ը վիրավորվել են Քենիայի մայրաքաղաք Նայրոբիում գազի լիցքավորման ձեռնարկությունում տեղի ունեցած պայթյունի և հրդեհի հետեւանքով, գրում է տեղական Standard թերթը` հղում անելով իշխանություններին:
Քենիայի մայրաքաղաքի Էմբակասի շրջանում հրդեհը սկսվել է կեսգիշերից քիչ առաջ։ Հրդեհին մի քանի պայթյուն է նախորդել։
«Տարբեր ստորաբաժանումների համակարգված գործողությունների շնորհիվ հաջողվել է 271 մարդու հաջողությամբ տարհանել Նայրոբիի տարբեր բուժհաստատություններ»,- X սոցցանցում հայտնել է Կարմիր Խաչը:
Երկու մարդու մահվան մասին հայտնել Էմբակասիի դատախազ Ուեսլի Կիմետոն։