ԵՐԵՎԱՆ, 21 հունվարի – Sputnik. Վաշինգտոնի համալսարանի (WSU) ինժեներները ներկայացրել են միջատանման երկու ռոբոտ՝ մինի-բզեզ և ջրաչափիկ: Սրանք այսօրվա դրությամբ ամենափոքր, ամենաթեթև, ամենաարագ և լիարժեք միկրոռոբոտներն են։ Տեղեկությունը հայտնում է naked-science.ru.
Մինի բզեզի քաշը ընդամենը ութ միլիգրամ է, իսկ ջրաչափիկի քաշը՝ 55 միլիգրամ: Երկու մինի ռոբոտներն էլ կարող են շարժվել վայրկյանում մոտ վեց միկրոմետր արագությամբ:
Ապագայում նման ռոբոտները ցածր քաշի, չափի շնորհիվ, կարող են լայնորեն օգտագործվել արհեստական փոշոտման, շրջակա միջավայրի մոնիտորինգի, ռոբոտային վիրաբուժության, որոնողափրկարարական աշխատանքների և շատ այլ գիտական և արտադրական կիրառությունների համար:
Հետազոտողները պատրաստվում են մինի-ռոբոտներ մշակել, որոնք կարող են շարժվել ինչպես ջրի մակերևույթով, այնպես էլ ջրի տակով։ Նրանք նաև աշխատում են փոքրիկ մարտկոցների կամ կատալիտիկ այրման օգտագործման ուղղությամբ իրենց ռոբոտներին լիովին էներգետիկորեն ինքնավար դարձնելու համար: