Սոցիալական ցանցերի ճապոնական հատվածի օգտատերերը քննարկում են երկուշաբթի առավոտյան երկնքում վառ «հրեղեն գնդի» թռիչքը։ «Օբյեկտը» նկարահանվել է տարբեր վայրերից, հիմնականում Ճապոնիայի արևելյան և հյուսիսարևելյան մասերից:
«Հրագնդի» մասին առաջիններից մեկը հայտնել է Ճապոնիայի Կանագավա պրեֆեկտուրայի Հիրացուկա քաղաքի երկրագիտական թանգարանի կուրատորներից մեկը` Դայթի Ֆուջիան։ «X» սոցիալական ցանցի իր բլոգում Ֆուջիան, որը թանգարանում պատասխանատու է աստղագիտության համար, հրապարակել է Հիրացուկա քաղաքում գտնվող իր տան վրա տեղադրված տեսախցիկների ձայնագրությունը, ինչպես նաև Սիձուոկա պրեֆեկտուրայի Ֆուջի քաղաքում գտնվող տեսախցիկի տեսագրությունը։
Կադրերում երևում է, թե առավոտյան ինչպես է վառ հրագունդը սրընթաց կտրում-անցնում երկնքով։ Ֆուձիի կատարած վերլուծության համաձայն` բոլիդը թռչում էր վայրկյանում 42,4 կիլոմետր արագությամբ, իսկ նրա անկման հետագիծն անցնում էր Սագամի ծովածոցից մինչև Նագանո պրեֆեկտուրա։
Նշվում է նաև, որ որոշ շրջաններում պայթյուն հիշեցնող ձայն են լսել, ինչը կարող է վկայել երկնաքարի անկման մասին։