ԵՐԵՎԱՆ, 8 հունվարի-Sputnik. Հունվարի 15-ին Երևանի մետրոպոլիտենը կհամալրվի ևս մեկ շարժակազմով, որը կունենա երեք վագոն։ Այս մասին այսօր Երևանի քաղաքապետարանի գործակարգավարական նիստի ժամանակ հայտարարեց Երևանի մետրոպոլիտենի տնօրեն Բաբկեն Սեդրակյանը։
«Երբ դուր գա այդ շարժակազմը, մենք այլևս չենք ունենա գնացքներ, որոնք կանգնած են։ Բոլորը վերանորոգվել են և կլինեն աշխատանքի մեջ»,- ասաց նա։
Սեդրակյանը հիշեցրեց, որ նախկինում արդեն գործարկվել էր երեք շարժակազմ երեքական վագոնով։
Ի դեպ, ամփոփելով նախորդ տարին, նա հայտնեց, որ 2023 թվականին մետրոյից օգտվել է 29 միլիոն 587 հազար 969 ուղևոր։
Հիշեցնենք, որ 2023թ․-ի սեպտեմբերից Երևանի մետրոպոլիտենը աշխատանքի հատուկ ռեժիմի էր անցել՝ շարժակազմերից մեկի խափանման պատճառով, ինչպես նաև երկու անգամ փակվել էր տեխսպասարկման համար: