ԵՐԵՎԱՆ, 6 հունվարի – Sputnik. Հայաստանի Հանրապետության տարածքում այսօր ցերեկը, հունվարի 7-8-ին, 9-ի գիշերը սպասվում է առանց տեղումների եղանակ։ Տեղեկությունը հայտնում է ՀՀ ՇՄՆ Հիդրոօդերևութաբանության և մոնիտորինգի կենտրոնը։
«Հունվարի 9-ի ցերեկն առանձին շրջաններում, 10-ին շրջանների զգալի մասում սպասվում են տեղումներ և մառախուղ, տեղումները լեռնային գոտիներում կլինեն ձյան տեսքով, հովտային և նախալեռնային շրջաններում` անձրևի և ձնախառն անձրևի տեսքով»,–ասվում է հաղորդագրության մեջ։
Քամին կլինի հարավարևմտյան` 2-5 մ/վ, հունվարի 6-ին, 8-ին սպասվում է քամու ուժգնացում 14-17, 9-ին` 20-25մ/վրկ արագությամբ։
Օդի ջերմաստիճանը հունվարի 7-ի գիշերը կնվազի 4-6 աստիճանով, 8-10-ի գիշերը աստիճանաբար նույնքան կբարձրանա։
Երևան քաղաքում այսօր ցերեկը, 7-8-ին, 9-ի գիշերը սպասվում է առանց տեղումների եղանակ։
Հունվարի 9-ի ցերեկը, 10-ին սպասվում են տեղումներ և մառախուղ։