ԵՐԵՎԱՆ, 3 հունվարի – Sputnik. Լոռու մարզում` Տաշիր-Գոգավան ավտոճանապարհին, «ГАЗ 3110» և «Volvo» մակնիշների ավտոմեքենաներ են բախվել ինչի հետևանքով 1 անձ մահացել է, 3-ը` տուժել։ Տեղեկությունը հայտնում է shamshyan.com-ը։
Միջադեպը տեղի է ունեցել ժամը 15։00-ի սահմաններում։ Տուժածները տեղափոխվել են «Տաշիր» բժշկական կենտրոն։ 2-ի վիճակը ծայրահեղ ծանր է։
Վթարի փաստով Ստեփանավանի քննչական բաժնում նախաձեռնվել է քրեական վարույթ։ Ոստիկանությունն ու քննչական բաժինը պարզում են վարորդների, մահացածի և տուժածների ինքնությունը։
Կայքի տեղեկություններով` տուժածներից 2-ին «Տաշիր» ԲԿ–ից ռեանիմոբիլով տեղափոխում են «Վանաձոր» ԲԿ։