ԵՐԵՎԱՆ, 3 հունվարի – Sputnik. Հայաստանի Հանրապետության տարածքում հունվարի 3-ին, 4-ի գիշերը, 6-ի ցերեկը, 7-ին սպասվում է առանց տեղումների եղանակ։ Տեղեկությունը հայտնում է ՀՀ ՇՄՆ Հիդրոօդերևութաբանության և մոնիտորինգի կենտրոնը։
«Հունվարի 4-ի ցերեկը և 6-ի գիշերը առանձին շրջաններում, 5-ին շրջանների զգալի մասում սպասվում են տեղումներ և մառախուղ, տեղումները լեռային գոտիներում կլինեն թաց ձյան տեսքով»,–ասվում է հաղորդագրության մեջ։
Օդերևութաբանական կանխատեսումներով` քամին կլինի հարավարևմտյան` 2-5 մ/վ արագությամբ։
Հունվարի 5-ի գիշերը ջերմաստիճանը կբարձրանա 5-7 աստիճանով։
Երևան քաղաքում հունվարի 3-ին 4-ի գիշերը, 6-ի ցերեկը, 7-ին սպասվում է առանց տեղումների եղանակ։
Հունվարի 4-ի երեկոյան, 5-ին, 6-ի գիշերը սպասվում են տեղումներ և մառախուղ։